உலக கால்பந்தாட்ட தர நிலைவரம்/அக்டோபர் 2006

நிலை/நாடு/புள்ளிகள்

1 பிரேசில்Brazil 1560
2 இத்தாலிItaly1540
3 பிரான்சுFrance1483
4 ஆர்ஜன்ரீனாArgentina1446
5 இங்கிலாந்துEngland1370
6 ஜேர்மனிGermany1339
7 நெதர்லாந்துNetherlands1313
8 செக்.குடியரசுCzech Republic1253
9 போர்த்துக்கல்Portugal1224
10 ஸ்பானியாSpain1198
11 நைஜீரியாNigeria1139
12 கமரூன்Cameroon1110
13 உக்ரைன்Ukraine1054
14 கிரேக்கம்Greece979
15 சுவிச்சர்லாந்துSwitzerland978
16 சுவீடன்Sweden975
17 உருகுவேUruguay903
18 ஐவறிகோஸ்ற்Côte d'Ivoire893
19 மெக்ஸிகோMexico882
19 குரேசியாCroatia882

அடித்தவர் அடிபட்டவர் இருவருக்கும் தண்டனை!

உ லககிண்ண இறுதிப்போட்டியின் போது முறைகேடாக நடந்து கொண்ட பிரான்சு அணியின் தலைவர் சிடான் விவகாரத்தில் தனது தீர்ப்பினை FIFA நேற்று வழங்கியது. இத்தாலிய வீரர் மற்றறாஸியின் அவதூறன வார்த்தைகள் சம்பவத்துக்கு காரணமென முடிவுசெய்தது. ஆனால் மத,இன, அரசியல் ரீதியிலான வார்த்தைகள் கூறப்படவில்லை எனவும் அது திருப்தி கொண்டுள்ளது.
இவ்விவகாரம் தொடர்பாக 15ந்திகதி மற்றறாஸியும் நேற்று 20ந்திகதி சிடானும் FIFA முன் சமூகமளித்து தங்கள் தரப்பு நியாயங்களை கூறியிருந்தனர். அதன் பின்னர் தீர்ப்பு நேற்று வழங்கப்பட்டது.
* 7500 சுவிஸ் பிராங்குகளை அபராதப்பணமாகச் செலுத்த வேண்டும்.
*3 சர்வதேசப்போட்டிகளில் விளையாடுவதற்கு தடை. (ஏற்கனவே இனிக்கால்பந்தாட்டபோட்டிகளில் விளையாடுவதில்லை என்பது சிடானின் முடிவு )
*அத்துடன் சிறுவர் இளைஞர் தொடர்பான சமூக நலப்பணிகளில் அவர் ஈடுபட வேண்டும்.

*மற்றறாஸி 5000 சுவிஸ் பிராங்குகளை அபராதப்பணமாகச் செலுத்த வேண்டும்.
*2சர்வதேசப்போட்டிகளில் விளையாடுவதற்கு தடை. (அதனால் ஈரோ2008 க்கான ஆரம்பப்போட்டிகள் முதல் இரண்டில் மற்றறாஸி விளையாட முடியாது.)

முக்கியமாக இவ்விவகாரம் தொடர்பில் சிடானுக்கு வழங்கப்பட்ட தங்கப்பந்து விருது பறிக்கப்படும் எனப்பலரும் கருதியிருந்தனர். ஆனால் அவ்வாறாக நடைபெறவில்லை. சிடான் தங்கப்பந்து விருதை வைத்துக்கொள்ளலாம் என FIFA தீர்மானித்துள்ளது.

உலகக்கிண்ணம் 2006.......தகவல் துளிகள்!

---

சிற்பியின் ஆசை நிறைவேறியது...

18 காரட் தங்கத்தினால் வடிவமைக்கப்பட்டது தற்போதைய உலக கிண்ணம். 36.8 செ.மீ.உயரமும், 6 கிலோ 175 கிராம் எடையுள்ள இக் கிண்ணம் 1974 ஆம் ஆண்டு வடிவமைக்கப்பட்டது. இந்த ஆண்டு உலகக் கிண்ணத்தை இத்தாலி வென்று வர வேண்டும் என்று தான் பெரிதும் ஆசைப்படுவதாக கிண்ணத்தை வடிவமைத்த சிற்பி சில்வியோ கஸ்ஸானிகா ( வயது 75) கூறினார். அவரது ஆசையை இத்தாலியவீரர்கள் நிறைவேற்றினர்.

---

அட்டைகள்

♣மஞ்சள் அட்டை மொத்தம் 327 (உண்மையில் 2வது மஞ்சள் அட்டையுடன் வெளியேற்றப்பட்டவர்கள் 19 பேரின் கணக்கு இதில் சேர்க்கப்படவில்லை. அதனையும் சேர்த்தால் மொத்தம் 346 ஆகிறது)

♣சிகப்பு அட்டைகள் மொத்தம் 28

♣அதிகமாக மஞ்சள் அட்டை பெற்ற நாடு போர்த்துக்கல் 24
♣ குறைந்த மஞ்சள் அட்டை அமெரிக்கா 5 சவுதிஅரேபியா 5
♣ அதிகமாக மஞ்சள் அட்டை பெற்றவர் கோஸ்ரின்ஹா (போலந்து) 4 அசமாவோ (கானா) 4
♣அதிகமாக சிகப்பு அட்டை
இத்தாலி 2 நெதர்லாந்து 2 குரேசியா 2 செக் 2 போர்த்துக்கல் 2 அமெரிக்கா 2 சேர்பியா 2

♣அதிகமான அட்டைகள் வழங்கப்பட்ட கறுப்பு ஆட்டம் ... போர்த்துக்கல்(9மஞ்சள் 2 சிகப்பு) எதிர் நெதர்லாந்து (7மஞ்சள் 2 சிகப்பு) வழங்கிய நடுவர் வலன்ரைன் (ருஷ்யா)

---

♦இம்முறை அதிகவயது வீரர் பி.அலி 40 டுனீசியா(உ. கி. போட்டியில் கமரூன் ஜோஜர் மில்லா1994இல் 42.வயதில் விளையாடினார். இவரே அதிகவயதினர்)

♦மிகக்குறைந்தவயது வீரர் வல்கோற் 17 இங்கிலாந்து (பீலே வும் 17வயதிலேயே முதல் உ.கி. போட்டியில் பங்குகொண்டார்)

♦இளவயது வீரர்கள்(1.1.1985க்குப்அதன் பிறகு பிறந்தவர்கள்) 40 பேர் பங்கு கொண்டனர். அவர்களில் இளவயது நாயகனாகத் தெரிவானவர் பொடொல்ஸ்கி(ஜேர்மனி)

---

♥அதிக நேரம் விளையாடிய வீரர் லாம் 690 , கனவாரோ 690 நிமிடங்கள்
♥குறைந்த நேரம் விளையாடிய வீரர் அஸோபைபா 1 நிமிடம் (பிறெட் பிரேசில் 3 நிமி)

---

♠அதிகநேர விளயாடிய கோல்காபாளர் BUFFON இத்தாலி 690 நிமி
♠ குறைந்த நேரம் விளையாடிய கோல்காப்பாளர் வில்லர் (பரகுவே) 7 நிமிடம் மட்டும்

---

கோல் கணக்கு
♣ அதிக கோலடித்த நாடு ஜேர்மனி 13

♣கோலடிக்காத நாடு டிறினிடாட் 0
♣ 2006 உ.கி.போட்டியின் முதல் கோலை அடித்தவர் ஜேர்மனிவீரர் லாம் .

முதல் விரைவுக்கோல் 1நி8 செக்கனில். அடித்தவர் அசமாஓ கானா(செக்குடியரசுக்கு)
♣2006 உ.கி.போட்டியின் கடைசிக் கோலை அடித்தவர் இத்தாலி வீரர் மற்றறாஸி
♣ஒரு போட்டியில் அதிக(6) கோல் (1) ஆர்ஜன்ரீனா 6:0 சேர்பியா (2) ஜேர்மனி 4:2 கோஸ்ரறிகா
♣அதிக பந்துகளை தடுத்த காப்பாளர் இத்தாலி புப்பன் 27 போர்த்துக்கல் றிகார்டோ 25.

♣ 3 உலகக் கிண்ணத்தில் கோல் அடித்த முதல் இங்கிலாந்து வீரர் டேவிட் பெக்காம்.

♣உலகக் கிண்ணத்தில் அதிக கோல் (15வது ) அடித்த சாதனைவீரர் ரொனால்டோ ( முன்னைய சாதனை ஜேர்மனி வீரர் ஜெர்ட் முல்லர் 14 கோல்)
♣இப்போட்டியில் அடிக்கப்பட்டவை மொத்தம் 147 கோல்கள் (வரலாற்றில் அதிக கோல் அடிக்கப்பட்டது 1998ல் 171)
♣1930 முதல் 2006 வரை உலகக் கிண்ண கால்பந்து தொடர்களில் 2063 கோல்கள் அடிக்கப்பட்டுள்ளன.

♣தன் பக்கத்துக்கு அடிக்கப்பட்ட Own Goals கோல்கள் மொத்தம் 4

♣சராசரி கோல் 2.3 (64போட்டிகளில் 147 கோல்கள்)

♣தண்டணை உதைமூலம் முடிவான போட்டிகள் 4

♣நீடிக்கப்பட்ட 30 நிமிட நேரத்தில் கோல்களால் முடிவான போட்டிகள் 2

♣64போட்டிகள் இவ்வாறு முடிந்தன.............!

(1)கோலின் அடிப்படையில் தெளிவாக முடிவானவை 48 போட்டிகள்

(2)வெற்றி தோல்வியின்றி சமமான நிலை 10 போட்டிகள்

(3)நீடிக்கப்பட்ட நேரத்தில் முடிவானவை 2 போட்டிகள்

(4)தண்டனை உதை Penalty Shoot Out மூலம் முடிவானவை 4 போட்டிகள்

---

♦வெற்றி எதுவும் பெறா நாடுகள் கோஸ்ரறீகா , சேர்பியா, டோகோ (புள்ளி 0)

♦முதல் சுற்றில் முழுமையான வெற்றி பெற்ற நாடுகள் ஜேர்மனி, பிரேசில், போர்த்துக்கல், ஸ்பானியா

---

♥அதிக குறுங்கடவுகள் (Short passes) போர்த்துக்கல் 2,547,ஜேர்மனி 2,392.
♥அதிக நெடுங்கடவுகள் (Long passes) ஜேர்மனி 821 இத்தாலி 711

---

♠சிறந்த மனமகிழ்வான ஆட்டத்துக்கு தேர்வான நாடு போர்த்துக்கல்.
♠ஒழுங்கீனத்தில் முதலிடம் பராகுவே.

---

♣ உலகக் கிண்ணப் போட்டியில் இத்தாலி - ஜேர்மனி அணிகள் 5 முறை மோதியுள்ளன. இத்தாலி 3ல் வெற்றி 2 சமநிலை. ஜேர்மனி 3ம் முறை இப்போது தோற்றுள்ளது.

---

♣நடுவர் ஒவ்வொருவருக்கும் ஒவ்வொரு போட்டிக்கும் 40ஆயிரம் டொலர் ஊதியமாக வழங்கப்பட்டது. இதுவே உ.கி. வரலாற்றில் உயர்வானது.

♣உலகெங்குமிருந்து சிறப்பான 21 நடுவர்கள் இவ்வுலககிண்ணப்போட்டியின் 64 ஆட்டங்களுக்கு பணியாற்றினார்கள். அதிகமாக Benito Archundia (Mexico), Horacio Elizondo (Argentina)ஆகியோர் தலா 5 போட்டிகளில் பணியாற்றினார்கள்

---

பயிற்றுநர் விலகல்

ஒவ்வொரு உலககிண்ணப்போட்டி முடிவிலும் பல பயிற்றுநர்கள் விலகுவதும் விலக்கப்படுவதும் வழக்கமாகிவிட்டது. இம்முறை விலகுபவர்கள் இதுவரை 14பேர். இவர்கள்...

லிப்பி (இத்தாலி),கிளின்ஸ்மென் (ஜேர்மனி), எரிக்சன் (இங்கிலாந்து), பெகர்மேன் (ஆர்ஜென்ரீனா), ஹிட்டின்க் (அவுஸ்திரேலியா), அட்வோகாட் (தென் கொரியா), கிமாரேஸ் (கோஸ்டாரிக்கா), மிக்செல் (ஐவரி கோஸ்ட்), இவான்கோவிக் (ஈரான்), ஸிகோ (ஜப்பான்), லா வோல்பே (மெக்ஸிகோ), ஜனாஸ் (போலந்து), பெட்கோவிக் (சேர்பியா), பீன்ஹாக்கர் (ரினிடாட்).

---

பார்வையாளர்கள்

64 போட்டிகளையும் காண விளையாட்டரங்கில் கூடியோர் எண்ணிக்கை 3.35 மில்லியன் (3,353,655 ) ஆகும்.

உலககிண்ணப்போட்டியில் இத்தாலிக்கு எதிராக ஜேர்மனி விளையாடிய அரை இறுதிப் போட்டியை யேர்மனியில் அதிகம் பேர் பார்த்தார்கள். வீடுகளில் 31.31 மில்லியன் பேரும் பொது இடங்களில் அமைக்கப்ப்ட்டிருந்த இராட்சத தொலைகாட்சிகளில் 16 மில்லியன் பேரும் கண்டுகளித்தார்கள் என மதிப்பிடப்பட்டு இருக்கிறது.

---

விருதுகள்

♥தங்கப்பந்து ..... சிடான் பிரான்சு

♥வெள்ளிப்பந்து ..... கனவாரோ இத்தாலி

♥வெண்கலப்பந்து பிர்லொ இத்தாலி

♠தங்ககாலணி ..... குளோஸ ஜேர்மனி
♠வெள்ளிக்காலணி..... கிறேஸ்போ ஆர்ஜன்ரீனா
♠வெண்கலக்காலணி.....றொனால்டோ பிரேசில்

♥சிறந்த இளவயது வீரன்....... பொடொல்ஸ்கி ஜேர்மனி
♥சிறந்த கோல்காப்பாளர் புப்பன் இத்தாலி
♥மனம்மகிழ்வாட்டம்...... போர்த்துக்கல்
வளரும்....!

புதிய உலகத்தரவரிசை

FIFA RANKINGS (JULY 2006)

சர்வதேச கால்பந்தாட்ட அமைப்புக்கள் சம்மேளனத்தின் புதிய உலகத் தரவரிசைப்பட்டியல் இன்று வெளிவிடப்பட்டது. உலககிண்ணப்போட்டிகளின் பெறுபேறாக பெரு மாற்றங்கள் ஏற்பட்டுள்ளன.

♥ பிரேசில் தொடர்ந்து தனது முதல் இடத்தினைத் தக்க வைத்துள்ளது.

உலககிண்ணப்போட்டிகளில் பங்கு கொண்டநாடுகளில் காணப்படும் குறிப்பிடத்தக்க மாற்றங்கள் இவை.

ஏற்றம் ↑

உலக நாயகன் இத்தாலி 13ல் இருந்து 2வது நிலைக்கு முன்னேறியுள்ளது. (+9)

ஆர்ஜன்ரீனா 9ல் இருந்து 3வது நிலைக்கு முன்னேறியுள்ளது. (+6)

பிரான்சு 8ல் இருந்து 4வது நிலைக்கு முன்னேறியுள்ளது. (+4)

இங்கிலாந்து 10ல் இருந்து 5வது நிலைக்கு முன்னேறியுள்ளது. (+5)

ஜேர்மனி 19ல் இருந்து 9வது நிலைக்கு முன்னேறியுள்ளது. (+10)

சுவிச்சர்லாந்து 35ல் இருந்து 13வது நிலைக்கு முன்னேறியுள்ளது. (+22)

உக்ரைன் 45ல் இருந்து 15வது நிலைக்கு முன்னேறியுள்ளது. (+30)

ஐவறிகோஸ்ற் 32ல் இருந்து 20வது நிலைக்கு முன்னேறியுள்ளது. (+12)

பரகுவே 33ல் இருந்து 19வது நிலைக்கு முன்னேறியுள்ளது. (+14)

இறக்கம் ↓

செக்குடியரசு 2ல் இருந்து 10வது நிலைக்கு இறங்கியுள்ளது. (-8)

நெதர்லாந்து 3ல் இருந்து 6வது நிலைக்கு இறங்கியுள்ளது. (-3)

ஸ்பானியா 5ல் இருந்து 7வது நிலைக்கு இறங்கியுள்ளது. (-2)

அமெரிக்கா 5ல் இருந்து 16வது நிலைக்கு இறங்கியுள்ளது. (-11)

கொரியக்குடியரசு 29ல் இருந்து 56வது நிலைக்கு இறங்கியுள்ளது. (-27)

மெக்ஸிகோ 4ல்இருந்து 18வது நிலைக்கு இறங்கியுள்ளது. (-14)

விரிவான அட்டவணை இடதுபுற அட்டவணைகள் பகுதியில்

தங்கப்பந்து சிடானுக்கே!

உலககிண்ணப்போட்டி 2006 ஜேர்மனி - யின் சிறந்த வீரருக்கான தங்கப்பந்துவிருது GOLDEN BALL பிரான்சின் அணித்தலைவர் சிடானுக்கு வழங்கப்பட்டுள்ளது. அடிடாஸ் நிறுவனத்தின் சார்பில் வழங்கப்படும் இவ்விருதினை உலகம் முழுவதிலுமிருந்து ஊடகவிலாளர்கள் வாக்களித்து தேர்வு செய்கின்றனர். அவ்வகையில் 2012 வாக்குகளை வென்ற அவர் இவ்விருதுக்குத் தேர்வானார். அடுத்து இத்தாலியின் அணித்தலைவர் கன்னவாரோ 1977 வாக்குகளும் மும்முறை ஆட்டநாயகன் விருது பெற்றவரான இத்தாலியின் பிர்லோ 715 வாக்குகளும் பெற்றனர்.
மிகச்சிறப்பாக தன் அணியினரை வழிநடாத்திய, சிறப்புற விளையாடிய சிடான் இவ்விருதினை நிச்சயம் வெல்வார் என எதிர்பார்ப்புகள் மேலோங்கியிருந்த வேளையில் அந்நிலைமை கேள்விக்குறியானது. இறுதி ஆட்டத்தில் இத்தாலிவீரரை தலையால் மோதி விழுத்தியதற்காக சிகப்பு அட்டைபெற்று வெளியேற்றப்பட்டமை பெரும் விமர்சனங்களுக்குள்ளாகியது.
ஆனால் இப்போது வெளியான வாக்களிப்பு விவரம் சிடானுக்கு சாதகமாகவே அமைந்துள்ளது.
கடைசிநேர தப்பிதமான நடத்தையைவிட போட்டியில் அவரது முன்னைய சிறப்பு அம்சங்களைச் சீர்தூக்கிப்பார்த்து ஊடகவியலாளர்கள் வாக்களித்துள்ளனர். வாக்கு வித்தியாசம் (35)குறைந்தமைக்கு அவரது நடத்தை நிச்சயமான காரணமாகிறது. மிகபெரு வித்தியாசத்தில் வெல்வார் எனகிற எதிர்பார்ப்பு முன்பு நிலவியது.
பிரான்சின் தென்புல கடலோர நகர் மார்சயிலில் 23.06.1972 ல் பிறந்தவர் சிடான். பெற்றார் அல்ஜீரியாவிலிருந்து வந்து குடியேறிய இசுலாமிய மதத்தவர். 1994 முதல் பிரான்சின் தேசிய அணியில் பங்கு கொண்டு விளையாடுபவர். 1998பிரான்சு உலககிண்ணப் போட்டியில் பிரான்சு உலககிண்ணத்தை கைப்பற்றுவதற்கு இவரது விளையாட்டுத்திறன் பிரதான காரணியாகியது. அன்றிலிருந்து அவர் பெரும் கதாநாயகனாக மதிப்பளிக்கப்பட்டு வந்தார். பிரான்சு நாட்டுக்காக 107 போட்டிகளில் விளையாடி 37 கோல்களை அடித்துள்ளார். இத்தாலியின் ஜுவென்ரஸ், ஸ்பானியாவின் ரியால் மாட்றிட் ஆகிய கழகங்களுக்காக 306 போட்டிகளிலும் அதற்கு முன்பதாக பிரான்சின் இரு கழகங்களுக்காக 200 போட்டிகளிலும் விளையாடி உள்ளார்.

உலகக்கிண்ணத்தை இத்தாலி வென்றது!

இப்போதைய உலக கிண்னத்தை வடிவமைத்த சிற்பி ஒரு இத்தாலியர். இம்முறை தனது நாட்டுக்கே அது கொண்டுவரப்படவேண்டும் என அவர் விரும்பியதாக ஒரு தகவலை முன்பு கேள்விப்பட்டு இருந்தேன். தகவல் சரியோ தவறோ தெரியாது. அதன்படி நடந்தேறிவிட்டது.


சற்றுமுன் தங்களுக்கும் பிரான்சுக்கும் இடையில் நடைபெற்ற போட்டியில் வென்று உலக கிண்ணத்தை இத்தாலிவீரர்கள் கொண்டு செல்கிறார்கள்.


இன்றைய இறுதிப்போட்டி படு விறுவிறுப்பானது. போட்டிதொடங்கி 7ம் நிமிடத்தில் ஒரு தண்டனை உதையை பயன்படுத்தி முதல்கோலை சிடான் அடித்தார். மலூடா விழுத்தப்பட்டதால் அந்த வாய்ப்பு வந்தது. பிரான்சு 1:0 எனமுன்னிலைக்கு வந்தது. ஆனால் அந்நிலைமை நீடிக்கவில்லை. 18ம் நிமிடத்தில் மற்றறாஸி

ஒரு கோணர்கிக்கை தலையால் அற்புதமாக இடித்தது ஒரு கோலைப் போட்டார். இருநாடுகளும் கண்ட சமநிலை 100 நிமிடங்களுக்கு மேல் நின்று நீடித்தது.
முதல் 90நிமிட விளையாட்டின் முன் பாதியில் இத்தாலியின் ஆதிக்கமும் பின் பாதியில் பிரான்சின் ஆதிக்கமும் போட்டியில் காணப்பட்டது. ஆயினும் கோல் எதனையும் எவரும் அடிக்காமையால் 30நிமிட நீடிப்பு நேரம் வழங்கப்பட்டது. அதில் முதல் 15 நிமிடங்களில் மாற்றம் வரவில்லை சில வீரர்கள் மாற்றப்பட்டு இருந்தனர்.
பிரான்சின் முன்னணிவீரர் ஹென்றி 107 நிமிடத்திலும் றிபேறி 100 நிமிடத்திலும் திருப்பி அழைக்கப்பட்டு வில்ரோர்ட், றெசெகுற் இறக்கப்பட்டு இருந்தார்கள். இத்தாலி தரப்பிலும் டொட்டி, பெறோற்ற ஆகியோர் 61ம் நிமிடத்திலும் கமரானோசி 86ம் நிமிடத்திலும் மாற்றப்பட்டு இருந்தனர்.
இறுதி 15வது நிமிடத்தில் மிகப்பரபரப்பான எவரும் எதிர்பாராத சம்பவம் ஒன்று இடம் பெற்றது. இத்தாலி வீரர் மாற்றறாஸியை நெஞ்சில் தன் தலையால் இடித்து சிடான் விழுத்தினார். அதனால் சிவப்பு அட்டைபெற்று வெளியேறினார். ஓர் ஒப்பற்ற வீரரான சிடானிடம் இவ்விதமான நடத்தையை எவரும் எதிர்பார்க்கவில்லை.

(இந்த உலககிண்ணப்போட்டிகளில் தங்கப்பந்துவிருதினை இவர் வெல்வார் என எதிர்பார்ப்புகள் இருந்தன. கருத்துக்கணிப்பில் சரிபாதியளவுக்கு அவருக்கு வழங்கப்பட்டு இருந்தது. மீதியைத்தான் மற்றைய் 9 வீரர்கள் பெற்றிருந்தனர். )சிடான் இன்னொரு உலககிண்ணம் விளையாடப்போவதில்லை. வயது 34 ஆகிவிட்டது. பொறுமை காக்காமையால் பெரும் விமர்சனங்களுக்காளாகியுள்ளார். ஒரு முக்கியமான விடயம் என்னவெனில்
1)பிரான்சுக்கு தண்டனைஉதை வழங்கப்படக் காரணமாக மலூடாவை விழுத்தியவர்,
2)தலையால் தட்டி கோலடித்து இத்தாலியை 1:1 எனச் சமநிலைப்படுத்தியவர்,
3)சிடானினால் நெஞ்சில் தலையால் இடித்து விழுத்தப்பட்டவர்
எல்லாமே ஒரேநபர்தான். பெயர் மற்றறாஸி.

சிடான் வெளியேறியபின் 10 பேருடன் பிரான்சு விளையாடியது. இத்தாலி இறுதி நிமிடத்தில் தீவிரம் காட்டியும் கோலடிக்கமுடியவில்லை. எனவே தண்டனை உதைமூலமாக வெற்றியை நிர்ணயிக்கும் நிலை வந்தது. இதில் இரு கோல்காப்பாளர்களும் எந்தக்கோலையும் தடுக்கவில்லை. எனினும் பிரான்சின் வீரர் றேசெகூற் அடித்த பந்து கோல் கம்பத்தில் பட்டு வெளியேறியமையால் பிரான்சு 5:3 கணக்கில் தோற்றுப்போனது.

2ம் தடவையாக கிண்ணத்தைக் கைப்பற்றும் சந்தர்ப்பத்தை இழந்து பிரான்சு வெளியேற இத்தாலி 4வது தடவையாக உலக கிண்ணத்தைக் கைப்பற்றியது. இப்போது பிரேசில் 5 இத்தாலி 4 ஜேர்மனி 3 என உலககிண்ணத்தை கைப்பற்றிய வரிசைஅமைகின்றது. இனிப் பிரேசிலைப் பிடிப்பது இத்தாலியின் இலட்சியமாகலாம்.
இறுதிப்போட்டியின் நாயகன் இத்தாலியின் பிர்லே.
பந்துக்கட்டுப்பாடு இத்தாலி 55% பிரான்சு 45%
கோல் எத்தனங்கள் இத்தாலி 5 பிரான்சு 13
மஞ்சள் அட்டை இத்தாலி 1 பிரான்சு 3
சிவப்பு அட்டை பிரான்சு 1 (சிடான் உ.கி.இறுதிப்போட்டியில் சிவப்பு அட்டைபெற்ற 4ம் வீரன் என்கிற தகைமையைப்பெற்றுள்ளார்.)

மூன்றாம் இடத்தை ஜேர்மனி கைப்பற்றியது

ஆறுதல் பரிசும் அளவிலாக்
கொண்டாட்டமும்


ஜேர்மனியில் நடைபெறும் உலககிண்ணப்போட்டிகளில் இறுதிப்போட்டிக்கு முதல்போட்டியாக நடைபெற்ற 3ம் இடத்துக்கான போட்டியில் ஜேர்மனி 3:1 என்ற கணக்கில் போர்த்துக்கலை
தோற்கடித்தது. முன்னர் அரையிறுதிப்போட்டியில்
கடைசி இருநிமிடங்களில் தோல்வியைத் தழுவியதனால் நாடுமுழுவதும் படுசோகத்தில் மூழ்கி இருந்தது. அச்சோகத்தை மறக்கடித்து பெரிய வெற்றியையீட்டி தனது ரசிகர்களுக்கு பெரிய ஆறுதல் பரிசை ஜேர்மன் அணி இன்று வழங்கியது. அந்த வெற்றிக்குகாரணமான ஸ்வைன்ஸ்ரைகர் ஆட்டத்தின் நாயகனாகத் தெரிவானார்.

இன்றைய போட்டியில் இரு அணிகளதும் தலைவர்கள் ஆட்டம் தொடங்கும் போது அணியில் இடம் பெறவில்லை. ஜேர்மனியின் தலைவர் பலாக் காயம் காரணமாக இன்று விளையாடவில்லை. போர்த்துக்கலின் தலைவர் கடைசி 13 நிமிடங்களுக்கே விளையாடினார்.
ஜேர்மனிக்கு தலைவராக பிரபல காப்பாளர் கானுக்கு வாய்ப்பு வழங்கப்பட்டது. லேமன் இந்த ஆட்டத்தில் விளையாடவில்லை. போர்த்துக்கலின் தலைவராக பௌலெற்றா பங்கேற்றார்.

ஆட்டத்தின் முற்பாதியில் இரு தரப்பும் மிக விறுவிறுப்பாக விளையாடியும் முன்னணிவீரர்கள் மிக முயன்றும் கோல் எதுவுமின்றி முன்பாதி சமநிலை கண்டது.

பின் பாதி தொடங்கி 11வது நிமிடத்தில் ஜெர்மனியின் நடுக்கள வீரர் ஸ்வைஸ்ரைகர் முன்னணிவீரர்களுக்கு பந்தை கொடுப்பதனை தவிர்த்து தூரத்தில் வைத்து வேகமாக அடித்த பந்து முதல் கோலாகி ஜேர்மனியின் விசிறிகளை கோலாகலப்படுத்தியது. தொடர்ந்து நாலே நிமிடங்களில் கிடைத்த Free kick ஐயும் ஸ்வைன்ஸ்ரைகரே அடிக்க அது கோலாவதைத் தடுக்க போர்த்துக்கலின் வீரர் பெரிற் முயன்றபோது அது தவறி தன்பக்கக் கோலாக மாற 2:0 என ஜேர்மனி பலமான நிலைகொண்டது. இதனை தொடர்ந்து போர்த்துக்கல் வீரர்களது ஆட்டத்திலும் படு தீவிரம் பற்றிக் கொண்டது. போர்த்துக்கலின் வீரர் டெகோ, றொனால்டோ ஆகியோர் கோலடிப்பதற்கு மிகவும் பாடுபட்டனர். 77ம் நிமிடத்தில் பௌலெற்றா மாற்றப்பட்டு பீகோ கொண்டுவரப்பட்டார். அவர் வந்த மறுநிமிடமே அடுத்த சோதனையைப் போர்த்துக்கல் எதிர்கொண்டது. இன்றைய போட்டியின் நாயகன் ஸ்வைஸ்ரைகர் 25 யார் தூரத்திலிருந்து ஒரு தாக்குதலை மீண்டும் தொடுத்தார். றிகார்டோவின் தடுப்பு முயற்சி பலனின்றி அதுவும் கோலாகி ரசிகர்களை மிகப்பரவசப்படுத்தியது. பின்னர் 88ம் நிமிடத்தில் பீகோ வலது புறமிருந்து அளவாக தூக்கிக் கொடுத்த பந்தை கோமஸ் அற்புதமாக தலையாலிடித்துக்

கோலாக்கினார். இன்று களமிறங்கிய காப்பாளர் கான் அதற்கு முன் பல அடிகளை கோலாக விடாமல் ஜேர்மனியைக் காப்பாற்றியிருந்தார். ஆயினும் இந்த தலை இடியை பிடிப்பதற்கு அவருக்கு இயலவில்லை. மிகச்சிறப்பான இடி அது.

பந்தை விளையாடிய நிலைமை 57% போர்த்துக்கல் 43%ஜேர்மனி என போர்த்துக்கலின் ஆதிக்கத்தையே காட்டியது. கோலடிப்பதற்கான எத்தனங்கள் போர்த்துக்கல் 13 ஜேர்மனி12 எனக்காணப்பட்டது.

பீகோவுக்கு இது இறுதிச் சர்வதேச விளையாட்டு. அவரைப் போர்த்துக்கல் நாட்டினர் என்றும் நினைவில் கொள்வர். அவர் கடைசி நிமிடங்களில் பந்தைச் சிறப்பாகக் கடவு செய்தமையும் அதன் பேறான கோலும் அவர்களின் மனதில் நிலைத்திருக்கும். இல்லையெனில் ஒரு கோலைக் கூட அடிக்க முடியாமல்போன கவலை அவர்களை வாட்டியிருக்கும்.

போர்த்துக்கல் அணியினருக்கு ஆறுதலாக ஒரு கோல். ஜேர்மன் அணியினருக்கு ஆறுதல் பரிசாக 3ம் இடம். அதனால் வாண வேடிக்கைகளுடன் அவர்கள் அதனை கொண்டாடுகின்றனர். முக்கியமாக வெற்றியை தன் விளையாட்டால் வழங்கிய ஸ்வைன்ஸ்ரைகரை அனைவரும் போற்றுகின்றனர். வெற்றிக்கு அவர்கள் நம்பியிருந்த குளோசவோ இளவயதுநாயகன் விருதுக்கு தேர்வான பொடொல்ஸ்கியோ ஒரு கோலையும் அவர்களுக்கு வழங்கவில்லை.

ஜேர்மன் அணி 13 கோலுடன் இவ்வுலக கிண்னப்போட்டியில் முன்னிலையில் இருக்கிறது. அடுத்து 11 கோலுடன் நிற்கும் இத்தாலி அதனை முறியடிக்குமா என்பது கேள்விக்குரியது.
தனிநபர் கோல் சாதனையிலும் ஜேர்மனியின் குளோஸவே 5 கோலுடன் முன் நிற்பவர். பிரான்சின் ஹென்றி அதனை மீற 3 கோலடிக்க வேண்டும். அதுவும் சாத்தியமாகத் தோன்றவில்லை. எனவே கோல் வகையில் அதிகம் என்பவையெல்லாம் ஜேர்மனிக்கு மட்டுமே என்பது எனதெண்ணம்.

இறுதிக்கு முன் வரும் சிறுசிறு தகவல்கள்

1)ஜேர்மனியின் வீரன் லூகாஸ் பொடெல்ஸ்கி சிறந்த இளம்வீரன் விருதினை வென்றுள்ளார். கால்பந்தாட்ட வல்லுநர்கள் மற்றும் விசிறிகளின் வாக்குகளின் அடிப்படையில் இத்தெரிவு இடம்பெற்றது. ஒரு மில்லியனுக்கு மேலான வாக்குகள் பொடெல்ஸ்கிக்கு கிடைத்தது.

2)நாளைய ஜேர்மனிக்கு எதிரான போட்டியில் போர்த்துக்கலின் பாதுகாப்பு அணிவீரர் மிகுஎல் விளையாடமாட்டார்.

3)தங்கக்காலணிவிருது ஜேர்மனியின் குளோஸவுக்கு என்பது நிச்சயமாகிறது. பிரான்சின் ஹென்றி 3 கோல்களுடனும் குளோஸ் 5கோல்களுடனும் முன்னிலையில் இருக்கின்றனர். இளம்புயல் பொடில்ஸ்கியும் (3)அவர்களுடன்.

4)உ.கி.2006 ன் தங்கப்பந்துGolden Ball விருதுக்கு ஜேர்மனியின் பலாக், குளோஸ ஆகியோர் பெயர்கள் ப்ரிசீலனையில் உள்ளன. இவ்வகையில் போட்டியில் உள்ளவர்கள் இவர்கள்

M Michael Ballack, Germany
G Gianluigi Buffon, Italy
D Fabio Cannavaro, Italy
F Thierry Henry, France
F Miroslav Klose, Germany
M Maniche, Portugal
M Andrea Pirlo, Italy
M Patrick Vieira, France
D Gianluca Zambrotta, Italy
M Zinedine Zidane, France அதிகவாய்ப்பு ஸிடானுக்கு

கிண்ணக் கனவுகளில் மிதக்குமிரு தேசங்கள்!

இறுதிப்போட்டியில் இத்தாலியை சந்திக்கிறது பிரான்சு

பிரான்சு எதிர் போர்த்துக்கல் 1:0

அதிகளவு பரபரப்போ ஆக்ரோசமோ இல்லாமல் நடைபெற்றது இந்த இரண்டாவது அரையிறுதிப்போட்டி. ஒரு தண்டனை உதை மூலமாக கிடத்த வாய்ப்பினை பயன்படுத்தி பிரான்சு ஓரு கோல் அடித்தது. அதன்மூலம் மூலமாக பீகோ அணியைத் தோற்கடித்து இறுதிப்போட்டியில் இத்தாலியை சந்திக்க சிடானின் அணி வருகிறது. தொடக்கம் முதலே ஆட்டத்தில் கூடிய ஈடுபாட்டை போர்த்துக்கலே வெளிப்படுத்தியது. முதல் கால்மணி நேரத்தில் பந்தை முழுக் கட்டுப்பாட்டில் வைத்திருந்த அவர்கள் கோலடிப்பதில் வெற்றிகாணவில்லை. போர்த்துக்கலின் றொனால்டோ விளையாட்டில் காட்டிய தீவிரத்தை மற்ற வீர்களிடம் காணமுடியவில்லை.

32ம் நிமிடத்தில் கோலடிப்பதற்காகப் பந்தை கொண்டுவந்த பிரான்சின் ஹென்றியை போர்த்துக்கலின் ஹார்வல்ஹோ விழுத்தியதால் தண்டனை உதை வாய்ப்பு பிரான்சுக்கு வாய்த்தது.


அதனை வெகு நேர்த்தியாக அடித்தார் பிரான்சின் அணித்தலைவர் சிடான். சிடான் பந்தினை அடித்த பக்கத்துக்கே காப்பாளர் றிகார்டோ பாய்ந்தார் ஆயினும் அடித்த வேகம் காரணமாக தடுத்தல் சாத்தியமாகவில்லை. அதன் பின் இருதரப்பிலும் கோல் எதுவும் இல்லை.

78ம் நிமிடத்தில் Free kick கில் றொனால்டோ வேகத்துடன் அடித்த ஒருபந்து பிரான்சுக்காப்பாளர் பார்த்தீஸால் பிடிக்கப்பட முடியாமல் இடறி மேலெழுந்தபோது அதனை இலகுவாக கோலாக்கக்கூடிய அருமையான வாய்ப்பு பீகோவுக்கு கிட்டியது. ஆனால் அவரது இடி சரிவர அமையாமல் பந்து மேலாகச்சென்று வலையில் விழுந்தது.



கடைசி நிமிடங்களில் கிடைத்த Corner Kick இரண்டையும் கோலாக்கிச் சமநிலை கண்டுவிட போர்த்துக்கலின் 11வீரர்களும் முயன்றனர். போர்த்துக்கலின் காப்பாளர் றிகார்டோ கூட பிரான்சின் பகுதிக்குள் வந்து விளையாடினார். எதுவும் நடக்கவில்லை. ஆட்டம் 1:0 என்றவகையில் முடிவடைந்தது.

பிரேசிலை வீழ்த்தியபோது இருந்த எந்தவிதமான துடிப்பையும் பிரான்சு வீரர்கள் காண்பிக்கவில்லை. இங்கிலாந்துடன் விளையாடிய போர்த்துக்கலின் திறனையும் காணமுடியவில்லை. சாதாரணமான ஒரு ஆட்டம் இது.

ஆட்டத்தின் நாயகன் பிரான்சின் தூராம்.

கோலடிக்கும் எத்தனங்கள் பிரான்சு 5 போர்த்துக்கல் 12 ஆகவும் பந்தை வைத்திருத்தல் பிரான்சு 41% போர்த்துக்கல் 59% ஆகவும் காணப்பட்டது. 3 மஞ்சள் அட்டைகள் மட்டுமே காட்டப்பட்டன.

இன்னொரு கவனிக்க வேண்டிய அம்சம். கோல்கணக்கில் 3 கோலுடன் நிற்கும் ஹென்றி இப்போட்டியில் எந்தக்கோலையும் அடிக்கவில்லை. எனவே தங்கக்காலணிGolden Shoe விருது ஜேர்மனியின் குளோஸவுக்கு என்பது ஏறக்குறைய நிச்சயமாகிவிட்டது. குளோஸ 5 கோலுடன் முன்னணியில் உள்ளார். இந்த இருவருடன் இதற்கான போட்டியில் ஜேர்மனியின் பொடொல்ஸ்கியும் கூடவே நிற்கிறார். மூவருக்கும் விளையாடுவதற்கு ஒரு போட்டி கைவசம் உள்ளது. குளோஸவுக்கான வாய்ப்பு பிரகாசமானது.

கடைசி இருநிமிடங்களில் கவுண்டுபோனது ஜேர்மனி

ஜேர்மனி எதிர் இத்தாலி

0:0/0:0/0:2*நீடிப்பு நேரம்

அரையிறுதிப்போட்டியின் முதல் போட்டி பலமில்லியன் ஜேர்மனிய ரசிகர்களின் அழுகையுடன் முடிவடைந்துள்ளது. ஜேர்மனியின் மிகப்பெரிய டோற்முண்ட் விளையாட்டரங்கில் பலமான அணியெனக்கருதப்பட்ட ஜெர்மனி அணியுடன் மற்றொரு பலம்வாந்த அணியான இத்தாலிய அணி மோதிய விளையாட்டு இது. இரு அணிகளுமே சமநிலையில் நின்று விளையாடியது போன்று காணப்பட்டாலும் இத்தாலியிடமே பந்துக் கட்டுப்பாடு அதிகம் (58% )இருந்தது. இத்தாலி கோல் அடிக்காமல் தவிர்க்கும் முயற்சியில் ஜெர்மனி வீரர்கள் பல பந்துகளை

வெளியே அடிக்க நேர்ந்தது. அதன் காரணமாக 12 CORNER KICKவாய்ப்புக்களை இத்தாலிக்கு அள்ளி வழங்கினார்கள். அதிர்ஷ்டவசமாக அவைகளில் 11ஐ கோலாகாமல் காப்பாற்றுவதிலும் வெற்றிகண்டனர் ஜேர்மனிய அணியினர். ஜேர்மனிக்கோல் காப்பாளர் சிறப்புறச்செயல்பட்டு கோலாக வேண்டிய பல அடிகளைத் தடுத்தார். ஆனாலும் ஆட்டம் முடியும் தருணத்தில் இத்தாலி பெற்ற கடைசி 12வது CORNER KICK ஜேர்மனியின் காலை வாரிவிட்டது.

ஆட்டநேரம் 90 நிமிடத்தில் எவரும் கோலடிக்காமல் நீடிப்பு நேரம் 30 நிமிடம் வழங்கப்பட்டது. அதன் முன் பாதி முடிந்து மறுபாதியும் முடிவடையும் நேரம், இனி மூலம் தீர்வு காணப்படும் என்று எண்ணியிருந்த வேளையில் தங்களுக்குக் கிடைத்த 12வது Corner Kickஐ சரிவரப்பயன்படுத்தி 119வது நிமிடத்தில் கோலொன்றை குறோஸ்ஸோ அடித்தார். அந்த அதிர்ச்சியிலிருந்து ஜேர்மனிய வீரர்கள் மீள முன்னரே அடுத்த நிமிடத்தில் அடுத்த கோலை டெல் பீறோ அடித்தார். அத்துடன் 0:2 என்கிறவகையில் பெரும் வெற்றியை கடைசி நேரத்தில் பெற்ற இத்தாலி இறுதிப்போட்டிக்கு முன்னேறியது. இனி ஜேர்மனி 3வது இடத்தைப்பெற நாளை தோற்கும் அணியுடன் விளையாடும். ஆட்டத்தின் Corner Kicks வாய்ப்புக்கள் 12 இத்தாலிக்கும் 4 ஜேர்மனிக்கும் என்றவகையில் காணப்பட்டன.

சொந்தநாட்டில் 4வது தடவையாக உலககிண்ணத்தினை தங்கள் நாடு நிச்சயம் கைப்பற்றும் என ஆவலுடன் பார்த்திருந்த ஜேர்மனிய விசிறிகள் மிகத் துயரத்தில் ஆழ்ந்துபோய் உள்ளனர்.

ஆட்டத்தின் நாயகனாக இத்தாலியின் பிர்லோ தெரிவாகியுள்ளார். அந்த இறுதி 2 நிமிடங்களும் காப்பாற்றப்பட்டு தண்டனை உதை PENALTY KICKS தீர்மானத்துக்குச் சென்றிருந்தால் முடிவுகள் வேறுவிதமாக அமைந்திருக்கக்கூடும். அவ்வாறான நிலையில் ஜேர்மனியை காப்பாற்றிய அனுபவ காப்பாளர் லேமன் ஜேர்மனிக்கு வாய்த்திருந்தார்.

உலகக்கிண்ண விளையாட்டரங்குகள்

உலககிண்ணப்போட்டிகள் நிறைவடையும் வேளை நெருங்கிவருகிறது. உள்ளவை இன்னும் நான்கு போட்டிகள் மட்டுமே. இத்தருணத்தில் இப்போட்டிகள் நடாத்தப்பட்ட விளையாட்டரங்குகளைப் பற்றிய சில தகவல்கள் இங்கு பதிவாகின்றன

ஜேர்மனியில் பெருநகரங்கள் ஒவ்வொன்றும் பெரும் விளையாட்டரங்குகளைக் கொண்டுள்ளன. நாடுமுழுவதிலும் 1500க்கு மேற்பட்ட விளையாட்டரங்குகள் உள்ளன. பிரபல்யமான கால்பந்து விளையாட்டுக்கழகங்கள் ஒவ்வொன்றும் தமக்கென அரங்குகளைக் கொண்டுள்ளன.

உலககிண்ணப்போட்டிகள் நடத்தாப்படுவதற்காக 12 பெரு நகரங்கள் தெரிவு செய்யப்பட்டன. அவற்றில் உள்ள சிறந்த விளையாட்டரங்குகள் தெரிவு செய்யப்பட்டு மீள நவீன வசதிகளுடன் செப்பனிடப்பட்டன. சில புதிதாக நிர்மாணிக்கப்பட்டன. வழமையான இருக்கைகள் குறைக்கப்பட்டு பாதுகாப்பு ஏற்பாடுகள் உச்சநிலைக்கு கொண்டுவரப்பட்டன. மியூனிச் நகரில் பாரிய ஒலிம்பிக் விளையாட்டரங்கு ஏற்கனவே இருந்தாலும் 280 மில்லியன் ஈரோக்கள் செலவில் புதிதாக ஒரு விளையாட்டரங்கு உருவாக்கப்பட்டது. இங்குதான் இப்போதைய உலகக்கிண்ணப்போட்டிகளின் முதற்போட்டி 9/6/06ல்(ஜேர்மனி எதிர் கோஸ்ரறிகா)கோலாகலமாக ஆரம்பித்து வைக்கப்பட்டது.

---

BERLIN OLIMPIA STADIUM
தலை நகரில் 1993இல் நிர்மாணிக்கப்பட்டது. 2004ல் நவீன வசதிகள் கொண்டதாக 242 மில்லியன் ஈரோ செலவில் நவீனப்படுத்தப்பட்டது.
76,000 இருக்கைகள்.


உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
66,000

www.olympiastadion-berlin.de

---

DORTMUND WESTFALEN STADIUM
1974ல் நிர்மாணிக்கப்பட இது 2003ல் மீள்புனரமைப்புச் செய்யப்பட்டது.
81,264 இருக்கைகள். ஜேர்மனியின் பெரிய விளையாட்டரங்கு.

உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
67,000
www.stadion-live.de
www.bvb.de

---

MUNICH WORLD CUP STADIUM
Bavaria மாநிலத்தலைநகர் மியூனிச்சில் 2005ல் நிர்மாணிக்கப்பட்டது.
நிர்மாணச்செலவு 286 மில்லியன் ஈரோ. 69,901 இருக்கைகள்.
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
59,400
www.allianz-arena.de

---

GELSENKIRCHEN Arena Auf Schalke
2001ல் North Rhine-Westphalia மாநிலத்தில் Gelsenkirchen நகரில் நிர்மாணிக்கப்பட்டது. 61,524 இருக்கைகள்
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
48,000
www.veltins.arena.de

---

STUTTGART Gottlieb-Daimler-Stadion
Baden-Württemberg மாநிலத்தலைநகரில் ஸ்ருட்காட்டில் 1933ல்
நிர்மாணிக்கப்பட்ட இது2006ல் நவீனமயப் படுத்தப்பட்டது.
58,000 இருக்கைகள்
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
47,700
wwww.gottlieb-daimler-stadion.de

---

HAMBURG AOL Arena
வடபகுதி துறைமுக நகரில்(Free and Hanseatic City of) Hamburg 2000ல் நிர்மாணிக்கப்பட்டது. 55,989 இருக்கைகள்.
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
45,000
www.aol-arena.de

---

FRANKFURT Commerzbank-Arena
Hesse மாநிலத்தில் நாட்டின் பெரும் வர்த்தகக் கேந்திர நகரில்
2000ல் நிர்மாணிக்கப்பட்டது. 52,000 இருக்கைகள்.
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
43,000
www.commerzbank-arena.de

---

COLOGNE RheinEnergieStadion
North Rhine-Westphalia மாநிலத்தில் 2004ல் நிர்மாணிக்கப்பட்டது.
50,374 இருக்கைகள்
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
40,600
www.stadion-koeln.de

---

KAISERSLAUTERN Fritz Walter Stadion
Rhineland-Palatinate மாநிலத்தில் 1920ல் நிர்மாணிக்கப்பட்ட இது 2005ல்
நவீனமயப்படுத்தப்பட்டது. இருக்கைகள் 48,500
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
40,000
www.fck.de/stadion

---

HANOVER AWD- Arena
Lower Saxony மாநிலத்தலைநகர் ஹனோவரில் 1954ல் நிர்மாணிக்கப்பட்ட
இது 2005ல் மீள்புனரமைப்புச் செய்யப்பட்டது. 48,993 இருக்கைகள்
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
39,000
www.awd-arena.de

---

LEIPZIG Zentralstadion

Saxony மாநிலத்தில் ஒரு பெரிய நகரான லைப்ஸிக்கில் 2004ல் நிர்மாணிக்கப்பட்டது. 44,300 இருக்கைகள்
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
39,000
www.zentralstadion.de

---

NUREMBURG Frankenstadion
Bavaria மாநிலத்தின் இன்னொரு அரங்கு. 1928ல் நிர்மாணிக்கப்பட்ட இது 2005ல் நவீனமயப்படுத்தப்பட்டது.
இருக்கைகள் 48,000
உலககிண்ணப்போட்டிகளுக்காக ஒழுங்கமைக்கப்பட்ட இருக்கைகள்
37,000
www.franken-stadion.de

---